Бүгін, 25 қазан — Республика күні мектебімізде айрықша рухпен аталып өтті.
Таңмен бірге басталған мерекелік көңіл күй әр оқушының жүзінен көрініп, мектебімізде елдік пен бірліктің лебі есіп тұрды. 4,8,9 сынып пен сынып жетекшілері Т.Н.Құсайынова, Г.Ж.Байканова, Ш.А.Әкімбектердің ұйымдастыруымен өткен салтанатты шара барысында мектеп директоры Д.А. Омаров ұстаздар мен оқушыларды Республика күнімен құттықтап, тәуелсіздікке бастар жолдың маңызын, ел болашағы — білімді ұрпақтың қолында екенін ерекше атап өтті.
Жүрекке жылы, ойға терең сөздер жас ұрпаққа тағдырлы тарихымызды қайта еске салғандай болды.

Оқушылар  ән-жырмен, қойылымдармен, жүрекжарды тілектермен мерекенің көркін аша түсті. Әрбір өнер, әрбір сөз туған елге деген шынайы сүйіспеншілікті сездірді. 

Республика күні — өткенді дәріптеп, ертеңге сеніммен қарауға шақыратын мәнді мереке.
Бүгінгі күн бізге тағы да бірлік пен бейбітшіліктің бағасын ұқтырды

Мерекеміз құтты болсын!
Еліміз аман, жеріміз тыныш болғай!

          2025-2026 оқу жылының алғашқы қыздар жиналысы.  «Белсенді қыз – мектеп айнасы»

          Бүгін мектебімізде қыздар кеңесінің төрайымы Г.Ж.Ахметова қыздар  қауымына арналған мазмұнды жиналыс өткізді. Жиналысқа мектебіміздің 5-11 сынып қыздары, мектеп медбикесі, педагог-психолог қатысты. 

         Жиналыстың басты мақсаты – мектеп формасы мен ішкі тәртіп ережелерін түсіндіру, қыздардың мектеп өміріндегі жауапкершілігін арттыру және өз-өзін дамытуына бағыт беру болды.

          Кездесу барысында оқушылар мектеп формасының талаптарымен, сырт келбет мәдениетімен, мінез-құлық нормаларымен танысты. Әр қыздың мектеп айнасы екенін, ұқыптылық пен сыпайылық – олардың басты көркі екенін тағы бір мәрте атап өтті.

        Сонымен қатар, педагог-психолог Т.Ш.Есекенова  ұйымдастырған тренингтер ерекше әсер қалдырды. Қыздар топтық жұмыстарда өз ойларын ашық айтып, бір-біріне қолдау көрсетіп, сенімділік пен ұйымшылдық дағдыларын дамытты.
         Жылы атмосферада өткен кездесуден кейін әр оқушы өзіне кішкентай болса да жаңа ой, жаңа жігер алды. Қыз – мектептің көркі, тәртібі – мектептің өркениеті. Осындай шаралар арқылы біз қыздарымыздың бойына мәдениет, сыпайылық, жауапкершілік және өзін қадірлеу қасиеттерін сіңіруге жол ашамыз.