2025-2026 оқу жылының алғашқы қыздар жиналысы.  «Белсенді қыз – мектеп айнасы»

          Бүгін мектебімізде қыздар кеңесінің төрайымы Г.Ж.Ахметова қыздар  қауымына арналған мазмұнды жиналыс өткізді. Жиналысқа мектебіміздің 5-11 сынып қыздары, мектеп медбикесі, педагог-психолог қатысты. 

         Жиналыстың басты мақсаты – мектеп формасы мен ішкі тәртіп ережелерін түсіндіру, қыздардың мектеп өміріндегі жауапкершілігін арттыру және өз-өзін дамытуына бағыт беру болды.

          Кездесу барысында оқушылар мектеп формасының талаптарымен, сырт келбет мәдениетімен, мінез-құлық нормаларымен танысты. Әр қыздың мектеп айнасы екенін, ұқыптылық пен сыпайылық – олардың басты көркі екенін тағы бір мәрте атап өтті.

        Сонымен қатар, педагог-психолог Т.Ш.Есекенова  ұйымдастырған тренингтер ерекше әсер қалдырды. Қыздар топтық жұмыстарда өз ойларын ашық айтып, бір-біріне қолдау көрсетіп, сенімділік пен ұйымшылдық дағдыларын дамытты.
         Жылы атмосферада өткен кездесуден кейін әр оқушы өзіне кішкентай болса да жаңа ой, жаңа жігер алды. Қыз – мектептің көркі, тәртібі – мектептің өркениеті. Осындай шаралар арқылы біз қыздарымыздың бойына мәдениет, сыпайылық, жауапкершілік және өзін қадірлеу қасиеттерін сіңіруге жол ашамыз. 

Алғашқы қоңырау. "Мектебім мейірім мекені"
      Бүгін мектеп ауласы тағы да бала күлкісіне, ата-ана тілегіне, ұстаздардың ақ батасына толды. Жаздың самалы артта қалып, білімге бастар жаңа күннің шуағы сезілді. Қоңыраудың қоңыраулы үні – тек оқу жылының бастауы емес, әр жүрекке үміт сыйлаған сәт. Бірі мектеп табалдырығын алғаш аттап, екіншілері биік арманға тағы бір қадам жақындап, бәрі де жаңа белеске қадам басты. Мектеп — балалықтың мөлдір шағы, білімнің бастауы, өмірдің үлкен жолына дайындар қастерлі орын.
Бүгін осы қасиетті шаңырақ тағы да жаңарып, жаңғырып, жаңа тарихын жазуды бастап кетті. Бүгінгі мерекеде Абай облысы білім басқармасының  
Жаңасемей ауданы білім бөлімінің басшысы Н.Н.Масғұт мырза мектебімізге келіп бүлдіршіндерді қадамдарымен, ұстаздарды білім күнімен құттықтап  ардагер ұстазымыз М.Ш.Зейнелханқызын білім министрінің марапатымен марапаттады. 

Жаңа оқу жылы әр отбасыға құт, әр балаға шабыт, әр ұстазға қуат әкелсін.
Алғашқы қоңырау құтты болсын! 

        Мектебімізде 5-10 сынып ұлдары арасында «Қарым-қатынас мәдениеті» тақырыбында кезекті ұлдар жиналысы өткізілді.
 Күн тәртібінде:
 1. «Қарым-қатынас мәдениеті» дәріс;
 2. І жарты жылдық қорытындысы;
 3. Мектептің ішкі тәртіп ережесінің сақталуы.
       Жиналысты мектебіміздің ұлдар кеңесінің төрағасы, АӘД мұғалімі А.А.Омаров ашып ұлдар арасындағы қарым-қатынас мәдениеті жайлы түсінік беріп, мектеп медбикесі Т.Маратқызы ұлдардың жеке бас гигиенасына тоқталды. Мектеп психологі ұлдармен ақпараттарды дұрыс қабылдау керектігіне байланысты сергіту жаттығуын жүргізді. ДТІЖО С.Табилтайқызы І жарты жылдық бойынша ұлдар арасындағы ұсақ құқық бұзушылықтар мен мектептің ішкі тәртіп ережерелерінің сақталуында кеткен кемшіліктер жайлы ескертті.

 #Заңжәнетәртіпайы

 #біртұтас_тәрбие_абай_облысы_жаңасемей
 #Ұлдаржиналысы

        26 желтоқсан күні мектебіміздің ұстаздары мен оқушылары Бейсен Құранбек идеясының желісімен түсірілген «ҰСТАЗ» фильмін көріп тамашалады.

       «Ұстаз» фильмінде жас ұстаздың өзінің туған ауылына оралуы, өзі оқыған мектепте жұмыс жасауы, сонымен қатар, жас ұстаздың оқушылармен қарым-қатынасы көрсетілген.

Фильм барысында ұстаздық өмірге қадам басқан ұстаздың беделімен оның шәкірттерін білім бәсекесіне қабілетті етуге деген ұмтылысы, жаңашылдығы, сондай-ақ, педагогикалық қызметтің қиындығы мен қызығы көрініс тапқан

#біртұтас_тәрбие_абай_облысы_жаңасемей

#Ұстазфильмі

      26 қыркүйек күні мектебімізде «Балалар қауіпсіздігін қамтамасыз етудегі отбасы мен мектептің өзара ынтымақтастығы» тақырыбында ата-аналар мен мектеп ұжымына арналған жиналыс өткізілді. Жиналыста ДТІЖО Табилтай С. балалардың ұялы телефондарындағы қауіпті ойындарына тоқталса, мектеп психологі Есекенова Т.Ш. балалардың ұялы телефондарына ата-ана бақылауын қою жолдарын көрсетіп, интернет ойындарына байланысты сауалнама жүргізді.
 #Балалар_қауіпсіздігі
 #Қауіпті_интернет_ойындар

       20.09.2024ж. күні "Түрксіб  ЖОББМ" КММ-де жалпы ата-аналар жиналысы өткізілді. Жиналыс барысында күн тәртібіне сәйкес мектеп директоры Д.А.Омаров 2024 жылы оқу орнында жасалған жөндеу жұмыстары жайлы есеп пен 23-24 оқу жылындағы білім сапасы, балалардың жеткен жетістіктеріне  тоқталды. ДТІЖО орынбасары С.Табилтай "Біртұтас тәрбие" бағдарламасы туралы   ақпарат беріп, мектептің ішкі тәртіп ережесімен таныстырды. 

#Жалпы_ата_аналар_жиналысы2024